И покрај општо прифатеното мислење, пиењето големи количини на кафе сепак не е поврзано со аритмијата, велат резултатите од најновото истражување.

Оваа студија покажа дека пиењето на кафе во големи количини не е директно поврзано со срцевите тегоби како аритмијата. Воочени се еднакви резултати кај луѓето кои пиеле по четири шолји кафе на ден, како и кај луѓето кои не пиеле воопшто.

Резултатите дојдоа како мал шок за научниците со оглед на тоа дека кафето долго време е поврзувано со полесни тегоби на срцевиот ритам. Луѓето често и самите пријавувале дека кафето им предизвикува такви пореметувања.

Сепак, стручњаците предупредуваат дека кафето не е штетно за оние кои добро го поднесуваат кофеинот, но може да предизвика проблеми кај луѓето на кои кофеинот „тешко им паѓа“.

„Луѓето кои добро го поднесуваат кофеинот не треба да стравуваат дека испиеното кафе ќе им се одрази на здравјето на срцето и може слободно да продолжат да уживаат во својот омилен пијалак“, истакна др. Артур Клатски, кардиолог вклучен во истражувањето, а пренесува Business Week.

Коментари (0)

RSS линк zа коментарите