Англичанка раѓа бебе три часа откако дознава дека е трудна. Ова не е сценарио за нова синхронизирана серија на нашите телевизии. Повторуваме, ова не е сценарио за „сапуница“. Иако би можело да стане, еден ден :)

Белинда Вајт (21) минативе девет месеци неколку пати го посетувала својот доктор поради болки во долниот дел на стомакот и надуеност.

Дијагностициран и' е тежок случај на иритација на дигестивниот систем и гихт. Тешка докторска утка. Белинда цело време била трудна со здраво девојче, пишува Telegraph.

Детето е родено во станот на нејзиното момче, три часа откако и било кажано дека е трудна, со помош на мајката на момчето. Ако се прашувате зошто откако конечно утврдиле дека е трудна, не ја задржале на болница?

„Имав чувство дека нешто се движи во мене, но никогаш не помислував дека сум трудна, а и на докторот тоа не му падна на памет“, изјави Белинда.

Докторот во болницата во Тивертон и рекол дека има иритација на цревата, неколку месеци пред породувањето. На Божиќ повторно отишла на лекар поради големи отоци на стапалата и рацете - докторите повторно „маестрално“ утврдиле дека има алергија.

Следи финалето: ноќта пред породувањето Белинда повторно ја посетува болницата со силни болки во целото тело. Во 22 часот докторот и соопштува дека е трудна - внимавајте сега - во трет месец! Во 02:30 наутро, таа раѓа здраво девојче.

Треба некаков дополнителен коментар? Не. Освен: нека е живо и здраво малото :)

Коментари (0)

RSS линк zа коментарите